Helse- og oppvekstfag

Portøren transporterer pasientar og utstyr innanfor helseinstitusjonen. Sentrale arbeidsområde er å kunne:

• transportere og flytte pasientar og brukarar på ein profesjonell, trygg og sikker måte
• forstå og følgje medisinskfagleg rettleiing og instruks frå den ansvarlege legen eller anna autorisert helsepersonell
• førebyggje smittespreiing og ta vare på god hygiene i samsvar med gjeldande regelverk
• observere og rapportere om moglege endringar i tilstanden til pasienten og brukaren
• bruke ulike strategiar for konflikthandtering
• kommunisere med personar i ein traumatisk og reaktiv krisesituasjon
• behandle aktuelle medikament og medisinskteknisk utstyr
• transportere prøver og blodprodukt i samsvar med gjeldande forskrifter og retningslinjer
• følgje ergonomiske prinsipp i yrkesutøvinga

Du må kommunisere med og vise omsorg for pasientar, brukarar og pårørande. Du må ha evne til å arbeide under tidspress og tidvis under psykisk og fysisk krevjande forhold.