Bygg- og anleggsteknikk passar for deg som vil jobba praktisk med å byggja, halda ved like og utvikla bygningar, veg og annan infrastruktur. Du lærer å planleggja arbeid, forstå teikningar og beskrivingar, måla opp og byggja konstruksjonar. Du får bruka maskiner, verktøy, materiale og digitale ressursar i praktiske arbeidsoppdrag. Utdanningsprogrammet handlar også om å arbeida sikkert, velja materiale med omsyn til miljø og berekraft og dokumentera arbeidet ditt.