Helse- og oppvekstfag

Ortopediteknikaren framstiller, held ved like og reparerer ortopediske hjelpemiddel. Sentrale arbeidsområde er

• tolking av arbeidsteikningar for det hjelpemidlet som skal framstillast
• planlegging og arbeid etter arbeidsinstruksar og gjeldande manualar
• handtering av materiale, verktøy og maskiner
• kommunikasjon med pasientar og andre yrkesgrupper for å få ei heilskapleg forståing av hjelpemiddelet som skal framstillast
• vurdering av kvaliteten av eige arbeid, avviksrapportar

Du må kunne arbeide både sjølvstendig og saman med andre og ha gode faglege kunnskapar, mellom anna i anatomi, sjukdomslære og materiallære. Du må kunne møte pasienten med empati, ha godt handlag og god formsans. Det er òg viktig at du har evne til å lytte til pasienten for å kunne avdekkje spesielle behov.