Fagopplæringskontora

Fagopplæringskontora formidlar og registrerer lærlingar og lærekontraktar i samarbeid med skular og lærebedrifter. Dei følgjer opp både lærlingar og bedrifter for å sikra at opplæringa skjer i tråd med regelverket. I tillegg rettleier dei lærlingar og lærebedrifter om rettar og pliktar, kontraktar og korleis opplæringsløpet skal gjennomførast.

Om du har spørsmål om læreplass eller læretid, kan det ofte vera lurt å først ta kontakt med rådgivar eller kontaktlærar ved skulen din. Dei kan hjelpa deg vidare eller vurdera kva du bør gjera. Du kan også ta kontakt med fagopplæringskontoret i fylket ditt dersom du treng meir informasjon eller rettleiing.

Om du skal flytta til eit anna fylke, bør du ta kontakt med fagopplæringskontoret i fylket du skal flytta til. Dei kan informera deg om kva som gjeld for læreplass og lærekontrakt der.

Om du skal søkja læreplass i eit anna fylke, kan du også kontakta fagopplæringskontoret i det aktuelle fylket for å få informasjon om søknadsprosessen og oppfølginga av lærlingar.