Teknologi- og industrifag

Ventilasjonsteknikeren jobbar med ute- og inneklima og energisparande tiltak i bustader og næringsbygg. Du jobbar med

• oppstart og justering av ventilasjonsanlegg
• drift, service og vedlikehald av klimainstallasjonar
• tilkopling og programmering av styringssystem
• inneklimavurdering og energivurdering av klimainstallasjonar
• produksjon av element som skal sikre bygningar mot klima- og miljøskadar, til dømes vind, snø, varme og fukt
• teikningar og skildringar

Ventilasjonsarbeidaren må ha kunnskap om byggtekniske konstruksjonar og gode fagkunnskapar innanfor elektro, kjøling og automasjon. Du må kunne arbeide sjølvstendig og etter ein plan, men også i samarbeid med andre fagfolk. Du bør ha godt handlag.