Ohtseme jïh tsaekeme Jåa1:se

10.daltesisnie tjoerh veeljedh mejtie ööhpehtimmieprogrammide datne edtjh ohtsedh. Goh åejvienjoelkedasse datne ohtsh dennie fylhkesne gusnie årroeh.

• Dov lea reakta sïjse båetedh akten dejstie golme ööhpehtimmieprogrammijste datne jeenjemes vaajtelh.
• Dov galhkuvekarakteerh 10.daltesistie maehtieh meatan årrodh moenedh mejtie sïjse båatah dov voestes sjaavnjose.

Tsaekemenjoelkedassh fylhkesne

Fïerhte fylhke jïjtse njoelkedassh åtna mah muenieh man skuvlese datne maahtah ohtsedh. Goerehth mah njoelkedassh mah leah faamosne dov fylhkesne. Sïejhmemes fylhken tsaekemenjoelkedassh aktem daejstie golme prinsihpijste fulkieh:

• Maahtah gaajhkh skuvlh fylhkesne ohtsedh
  jallh
  
• Maahtah skuvlh ohtsedh mah leah dov bielesne fylhkeste (dov regijovne)
  jallh
  
• Datne tjoerh dam skuvlem ohtsedh mij lea dov årromesijjien lïhkemes.

Fylhkine gusnie maahtah skuvli gaskem veeljedh, dov karakteerh 10. daltesistie sijhtieh meatan årrodh moenedh man skuvlese datne sïjse båatah.