Mij Jåa1, Jåa2 jïh Jåa3?

Jåa1

Lïerehtimmie lea skuvlesne jïh lea dovne ektiefaagh (v.g. nöörjen, matematihke jïh englaantengïele) jïh programmefaagh dov ööhpehtimmieprogrammeste.

Studijeryöjreden

Barkoefaageles

• Lïerehtimmie lea jeenjemasth teoretihkeles.
• Doh jeenjemes skuvletæjmoeh åtnasuvvieh ektiefaagide.
• Dov leah göökte jallh golme programmefaagh (ij leah faamosne studijespesialiseeremisnie), jïh muvhtine ööhpehtimmieprogrammijste maahtah programmefaagh veeljedh Jåa1-daltesisnie.li>

• Jåa1 edtja dutnjien maadthlïerehtimmiem vedtedh barkoeprosessine, teknihkine jïh dïrreginie mah leah sïejhme dov ööhpehtimmieprogrammese.
• Doh jeenjemes tæjmoeh åtnasuvvieh programmefaagide.
• Dov aaj faage barkoefaageles goerehtimmie dejnie nuepine sjyöhtehke learoefaagh learoesïeltine pryövedh.
  

Jåa2

Jåa2-daltesisnie datne veeljh dej programmesuerkiej gaskem mah gååvnesieh dan ööhpehtimmieprogrammen sisnjelen maam Jåa1-daltesisnie veeljih.

Studijeryöjreden

Barkoefaageles

• Lissine ektiefaagide, datne ovmessie programmefaagi gaskem veeljh vihties njoelkedassi mietie.
• Lïerehtimmie lea skuvlesne.

• Datne programmesuerkiem veeljh jïh dan åvteste nuepiem åadtjoeh jïjtjemdh vielie spesialiseeredh.
• Dejtie jeanatjommesidie lïerehtimmie lea skuvlesne.
• Datne jienebh tæjmoeh faagese barkoefaageles goerehtæmman åadtjoeh goh Jåa1-daltesisnie.
  
• Aaj naan gille sjïerelaajroeh gååvnesieh gusnie Jåa1-daltesen mænngan lïerehtimmiem sïeltesne åadtjoeh (3jaepieh)

Jåa3 / lïerehtimmie sïeltesne

Jåa3 bigkie dan Jåa2-daltesasse maam veedtsih, jïh lïerehtimmie lea skuvlesne jallh sïeltesne.

Studijeryöjreden

Barkoefaageles

• Datne dejnie programmesuerkine jåarhkah maam veeljih Jåa2-daltesisnie, jïh guhkiebasse goerehtimmiem programmefaagine jallh orre programmefaagh veeljh vihties njoelkedassi mietie.
• Lïerehtimmie lea skuvlesne.
• Jååhkesjamme væhnastimmine Jåa3-daltesistie, maahtah jollebe ööhpehtimmiem jïlleskuvlesne jïh universiteetesne syökedh.
  

• Datne programmesuerkiej gaskem veeljh mah bigkieh don Jåa2-daltesasse maam veedtsih, jïh jïjtjemdh enn vielie spesialiseerh.
• Doh jeenjemes programmesuerkieh leah Jåa3-daltesisnie learoefaagh. Dellie lïerehtimmiem lïerehtæjjine åadtjoeh aktene sïeltesne jïh learoetïjje lea 2 jaepieh.
• Såemies programmesuerkieh vadtasuvvieh Jåa3-daltesisnie goh lïerehtimmie skuvlesne mij 1 jaepiem ryöhkoe.
• Naan gille barkoefaageles laajroeh Jåa3-daltesem skuvlesne utnieh åvtelen orrijieh 1,5 jallh 2 jaepiej learoetïjjine sïeltesne.