Medijah jïh kommunikasjovne

Datne lïerh

• soptsestæjjavuekieh teeksten, tjoejen jïh guvvien sisnjelen
• medijabaajnehtimmien, medijahistovrijen jïh journalistihken bïjre
• dïjrem, vuekiem jïh layoutem hammoedidh
• hammoem, klaeriem, tjoevkem jïh tjoejem vierhkievierhtine nuhtjedh
• dov digitaale maahtoem guhkiebasse evtiedidh
• teorijefaagh

Datne byörh

• kreatijve jïh tjetskehke årrodh
• ïedtjem utnedh gaskesadtemen jïh medijaåtnoen bïjre lïeredh
• ïedtjem utnedh bievnedh guvviej, filmen, tjoejen jïh baakoej tjïrrh
  
• ïedtjem utnedh bïevneseteknologijeste jïh digitaale medijijstie

Datne åadtjoeh

• studijemaahtoem jïh maahtah jollebe ööhpehtimmiem vaeltedh

Jis jollebe ööhpehtimmiem vaaltah, maahtah gaskem jeatjah sjïdtedh

• journaliste, teekstetjaelije jallh sisvegeproduseente
• webhammoedæjja, interaksjovnehammoedæjja jallh spïelehammoedæjja
• tjoejeteknihkere, tjoeje- jallh filmeprodusente
• gaskesadtemeraeriestæjja jallh medija- jïh seabradahkekonsulente
  Maahtah aaj jïjtjemdh jeatjah barkojde ööhpehtidh – sïejhme studijemaahtojne maahtah dejstie jeanatjommes studijidie jïlleskuvline jïh universiteetine ohtsedh.
  

Barkoesijjieh maehtieh årrodh

• plaerieh jallh askeplaerieh
• reklaamesïelth jallh gaskesadtemesïelth
• produksjovnesïelth jallh medijasïelth
• byögkeles sïelth