Ohtsememierieh

Njoktjen 1.b.lea sïejhme ohtsememierie dutnjien mij edtja jåarhkeskuvlem ohtsedh

Goevten 1.b. lea ohtsememierie jis dov lea sjïere daerpiesvoeth.

Datne edtjh goevten 1.b. åvtelen ohtsedh jis

• dov lea aktegsnænnoestimmie sjïere gïelelïerehtimmien bïjre
• voestesreaktan jallh individuelle gïetedimmien bïjre ohtsh
• datne aadtjen Nöörjese båateme

Ohtseme voestesreaktan bïjre

Såemies ohtsijedåehkieh maehtieh voestes prioriteetem åadtjodh tsaekiemisnie jåarhkeskuvlese.

lea faamosne dutnjien guhte

• reaktam åtnah sjïereööhpehtæmman, jïh seamma tïjjen sjïere daerpiesvoeth åtnah man åvteste datne tjoerh vihties ööhpehtimmieprogrammem vaedtsedh juktie maehtedh lïerehtimmiem illedh.
• tjarke giehpiedamme funksjovnemaahtoem jïh daerpiesvoetem åtna sjïehteladtemasse.
• reaktam lïerehtæmman åtnah væhtagïelesne jïh væhtagïelelïerehtimmesne

Ohtseme individuelle gïetedimmien bïjre

Dov ohtseme individuelle gïetedimmiem åådtje , bielelen poengide krööhkestidh, jis datne

• sjïereööhpehtimmiem maadthskuvlesne åtneme jïh karakteerh fååtesh vielie goh bielesne faagijste
• veaksahkåbpoe gïelelïerehtimmiem åtneme maadthskuvlesne jïh karakteerh fååtesh vielie goh bielesne faagijste
• tjoerh individuelle gïetedimmiem utnedh jeatjah, sjïere vihkeles fåantoej gaavhtan.

Dov lea reaktah tsaekiemasse akten dejstie golme ööhpehtimmieprogrammijste mejtie ohtsih, men ih reaktam utnieh tsaekiemasse akten vihties ööhpehtimmieprogrammese.