Teknologiija- ja industriijafága

Automatihkar bargá automatiserejuvvon vuogádagaid bidjamiin, doaimmahemiin ja máŧasanuin. Dat sáhttet leat uvssat, mat rahpasit ja giddanit automáhtalaččat, alárbmavuogádagat dahje termostáhtain stivrejuvvon liggenuvnnat. Automatihkar galgá máhttit 

• iehčanasat bidjat, divodit, máŧasatnit ja boasttuvuođaid ohcat industriija ja eará surggiid automatiserejuvvon vuollegisgealddaráhkadusain
  
• kalibreret mihtidanrusttegiid ja mearkkahábmenrusttegiid, ja dárbbu mielde ráhkadit kalibrerenduođaštusa
  
• divodit, molsut, muddet ja gozihit buot ávdnasiid, mat gullet automatiserejuvvon ráhkadusaide, ja maiddái mašiinnain gieđahallat ja oktiilaktit 
  
• bidjat ja rievdadit automatiserejuvvon proseassaid dahje elektromekánalaš vuogádagaid
• dahkat dárbbašlaš rievdadusaid stivren- ja forriglenvuogádagain ja dokumenteret dan
  
• johttáhit ovdamearkka dihte automatiserejuvvon proseassaid, robohtaid, mašiinnaid ja ráhkadusaid ja iskat daid doaibmama
  
• optimaliseret bargoproseassa ja iskat sáhttágo proseassastivrema buoridit
• čuovvut sihkarvuođanjuolggadusaid ja čuovvut fitnodaga dokumenterendagaldumiid
  

Fága guoskkaha máŋgga eará fágii, ja danin lea mávssolaš ahte áddet proseassaid ja automatiserenvuogádagaid ollislašvuođaid. Fitnodagat dárbbašit mielbargiid, geat áddejit jurdaga ja gárvves buktaga gaskavuođa. Lea maid mávssolaš ahte nagodat áddet ja váldit vuhtii geavaheddjiid dárbbuid.