Huksen- ja ráhkadusteknihkka

Industriijamálárfága fátmmasta stálleráhkkanusaid ja metállaid álgogieđahallama ja korrošuvdnaeastadeaddji vuogádagaid ráhkadeami Norgga petroleumindustriijas, huksemiin ja ráhkadusain, terminálaráhkadusain, fápmorusttegiin, mekánalaš industriijas ja fanashuksehagain. Váldobargosuorggit leat

• klimáhtalaš goziheapmi
• válljet sihkkarvuođarusttegiid ja sihkkarastit daid rievttes geavaheami
• bajildusaid álgogieđahallan manuála ja mekánalaš vugiiguin
• ráhkadit málenvuogádagaid kusttain, rullain ja alladeattapumppaiguin
• iešdárkkisteapmi - gozihan- ja mihtidanrusttegiid geavaheapmi
• máŧasatnit ja dárkkistit rusttegiid

Fertet sáhttit bargat plánaid mielde, vuogádatlaččat ja dárkilit, dus galgá leat nana fágamáhttu ja vuođđudieđut birasváikkuhusain, mat čuhcet bargosadjái, earret eará ergonomiijas ja dearvvašvuhtii váralaš ávdnasiin. Berret sáhttit bargat sihke iehčanasat ja ovttasbarggus earáiguin.