Giehtaduodji, design ja buvttaovddideapmi

Sádeldahkki bargá dávjá erenoamáš bargguid go son buvttada, ođasta ja divoda dávviriid, maid váldun lea náhkki ja tekstiillat. Biilasádeldahkki váldobargosuorggit leat

• buotlágan biilabeaŋkkaid ja biilasiskkožiid ođđasit deavdin ja ođđadeavdin
• vadjat ja goarrut guottáid ja bođuskoađđasiid
• ođastit veteránabiillaid
• rávvet biilasiskkožiid buvttadeamis ávnnasválljemiid ja bargovugiid hárrái

• buvttadit dokumeantamáhpaid, lávkkaid ja burssaid náhkis
• divvut ja ođastit boares ja ođđa náhkis ja tekstiillas gieđain gorrojuvvon buktagiid
• neavvut ja geavadis leat mielde ovdánahttimin ođđa buktagiid lávkasuorggi

• buvttadit leaŋggaid ja eará heastabiergasiid, mat leat ráhkaduvvon náhkis ja main lea metállaspeanná
• divvut buotlágan náhkis ráhkaduvvon heastabiergasiid
• ođđasit deavdit ja heivehit riidensádeliid

Berret leat gieđalaš ja dárkil ja dus berre leat hápmeáicu ja attáldat geavatlaš bargui.