Elektro ja dihtorteknologiija

Elektrihkaroahppu addá fágalaš ja formála gelbbolašvuođa, nu ahte sáhttá bargat elektrihkalaš vuollegealddaráhkadusaiguin, elektrihkalaš rusttegiiguin ja ráhkkanusaiguin, mat geavahuvvojit elrávnnji juohkimis ja geavahusas earret eará čuovvovaš surggiin:

• ássandáluin ja eará dáluin
• gávpebáikkiin, nugo kantuvra-, gávpe-, giehtaduodje- ja bálvalanfitnodagain
• almmolaš doaimmain
• industriijas, eanadoalus, skiippain
• oljo- ja gássaráhkkanusain
• alárbma- ja sihkkarvuođarusttegiin

Bargu gáibida nana fysihka. Elekrihkkaris berre leat nana ivdneoaidnu vai sáhttá geavahit relevánta kodaid ja mearkunvuogádagaid. Berret áddet teknihka, ja leat dárkil ja dovdat ovddasvástádusat. Fertet sáhttit ovttasbargat bargoskihpáriiguin ja bargoaddiiguin. Fertet sáhttit bargat allodagain. Erenoamážit unna bargguin elektrihkar gulahallá dávjá njuolga kundariin, ja ferte danin leat čeahppi gulahallat buotlágan olbmuiguin.