Giehtaduodji, design ja buvttaovddideapmi

Náhkke- ja guolganáhkkeduojár bargá unna duodjefitnodagain ja -bájiin, main barget ovdamearkka dihte dáiddadujiin, dipmadujiin, garradujiin, atnudáidagiin, designain dahje tekstiillain. 

Náhkke- ja guolganáhkkeduojár buvttada ja divvu árbevirolaš ja ođđa gápmagiid, biktasiid, lávkkaid ja eará biergasiid, mat ráhkaduvvojit sisttis, gápmasiin dahje duoljis. Náhkke- ja guolganáhkkeduojár ovddida maid ođđa buktagiid ja designa, mii hábmejuvvo riikkaidgaskasaš birrasii.

Váldobarggut leat

• gieđahallat ja geavahit náhki ja guolganáhki, maid oažžut sierra njiččehasain, čuoma ja loddenáhki, sistti ja leairra
• bargat árbevirolaš sámi vugiiguin ja ođđa buvttadanvugiiguin
• geavahit šattuid dikšun- ja ostenproseassain
• geavahit kemikálaid dikšun- ja ostenproseassain
• seailluhit ja ovddidit árbevirolaš vugiid
• buvttadit ja ovddidit buktagiid sámi kulturárbevieruid vuođul
• árvvoštallat ođđa ávdnasiid ja gieđahallojuvvon ávdnasiid kvaliteahta sierra geavahanulbmiliid dáfus
• buvttadanproseassat giehta- ja mašiidnabargguin
• sierralágan goarrunvuogit
• sistti ja guolganáhki ovttastahttin buktagiin, main geavahit máŋga ávdnasa
• ekonomiija ja fitnodaga ovddideapmi
• goluid, hattiid ja gánnehahttima rehkenastin
• márkanfievrrideapmi, vuovdin ja kunddarmeannudeapmi 

Berret leat gieđalaš ja dus berre leat buorre ivdne- ja hápmeáicu.