Elektro ja dihtorteknologiija

Vintabiddji bidjá, ođasmahttá, divvu, iská ja máŧasatná vintaráhkkanusaid. Vintabiddjifága váldobarggut leat:

• plánet iežas bargguid, maiddái fágabargi iežas ja bargoskihpáriid dearvvašvuođa, birrasa ja sihkkarvuođa dáfus
• vinttaid bidjan ođđa dahje gárvves dáluide, sihke mekánalaš konstrukšuvnnaid, mohtoriid ja hydraulihka ja elektrihkalaš laktimiid ja elektroteknihkalaš stivrenvuogádagaid
• bidjat ja iskat sihkkarvuođakomponeanttaid
• heivehit ja bidjat ođđa rusttegiid dálá ráhkadusaide
• boasttuvuođaid ohcan ja divvun
• eastadeaddji máŧasatnu

Fertet leat dárkil, oaidnit bures ja gierdat bargat unohis rumašguottus. Fertet nagodit bargat iehčanasat ja vuogádatlaččat čuolbmačoavdimiin buvttadieđuid ja viiddis nationála ja riikkaidgaskasaš njuolggadusaid vuođul. Lea mávssolaš ahte loavttát kunddarmeannudemiin, mii gullá dábálaš bargobeaivái.