Masa sáhtát ohcat?

• Don sáhtát válljet 15 oahppoprográmma gaskkas.
• Oahppoprográmmaid siidduin don gávnnat prográmmasurggiid govvádusaid, iežat fylkka fálaldagaid ja sierra skuvllaid fálaldagaid.

Ozat go Jo1-ceahkkái?

• Don galggat ohcat golbma sávaldaga . Dat guoská maid jos válljet ođđasit.
• Jus it čále golbma sávaldaga, du sáhttet bidjat dakkár oahppoprográmmii, masa it leat ohcan.
• Dus ii leat vuoigatvuohta beassat oahppin dihto skuvlii, vaikko beasat vuoruhit skuvllaid. Jos it birge gilvvus itge beasa ovttage skuvlii, masa leat sávvan beassat, dutnje sáhttet fállat saji skuvllas, masa it leat ohcan.

Ozatgo Jo2-ceahkkái, Jo3-ceahkkái dahje oahppasadjái?

• Go ozat Jo2- ceahkkái dahje Jo3- ceahkkái, lea dus dušše vuoigatvuohta oaččut saji prográmmasuorgái masa don leat kvalifiseren, dat mearkkaša prográmmasuorggi Jo2- ceahkis mii vuođđuda du Jo1- ceahki ja prográmmasuorggi Jo3-ceahkis mii vuođđuda du Jo2-ceahki. Dat guoská maiddái jos válljet ođđasit.
• Almmut máŋga sávaldaga. Berret geavahit buot ohcanskovi vejolašvuođaid nu guhkás go vejolaš.

Eará oahppofálaldagat

Fylkkain sáhttet maiddai leat eará oahppafálaldagat, nu movt ovdamearkkadihte čiekŋudeapmi oahppofálaldagaid dahje erenomáš heivehuvvon oahppu.

• Fylkka erenoamáš fálaldagat
• Fylkka molssaevttolaš oahpahusfálaldagat
• Ovttaskas heiveheapmi

Leat ráhkadan sierra oahppofálaldagaid ja oahppoplánaid ohppiide, geat leat

• unnitlogugielagat
• sáme- ja suomagielagat
• gulluvádjegat
• čalmmeheamit ja sakka oaidnuvádjegat