Elektro ja dihtorteknologiija

NTD lea oanádus ja mearkkaša «Non Destructive Testing» (ii-bilideaddji iskan), ja sisdoallá buktaga iskama teknihkalaš sárgosiid, standárddaid ja spesifikašuvnnaid ektui. Váldobarggut leat

• háhkat ja geavahit njuolggadusaid, teknihkalaš dieđuid, standárddaid ja gáibádusspesifikašuvnnaid
  
• árvvoštallat riskkaid, mat laktásit DBS:i (dearvvašvuhtii, birrasii ja sihkkarvuhtii)
  
• plánet ja láhčit dilálašvuođaid dárkkistemiide
  
• hivvodat-, áige-, rávdnje-, leakto- ja guhkkodatrehkenastimat dárkkistanbarggu ektui
  
• geometralaš gierdamiid geavaheapmi ja trigonometralaš rehkenastimat
  
• mihtidanrusttegiid kalibreren ja mudden
  
• mihtidit manuála mihtidanreaidduiguin ja digitála mihtidanrusttegiiguin
  
• goziheapmi visuála geahčuin
  
• radiografiija- dahje ultrajietnadárkkisteapmi
  
• penetránta-, magnehtajáffo- ja jorrirávdnjeiskan ja suođđaniskosat
  
• registreret ja árvvoštallat mihtideami bohtosiid ja divaštallat bargoaddiin mii galgá dahkkojuvvot
  
• verifiseret ja dokumenteret ahte buvtta lea dahkkojuvvon standárddaid, spesifikašuvnnaid ja dohkálašvuođakriteraid mielde
  

NDT-dárkkisteaddji galgá sáhttit bargat dárkilit, plánaid mielde ja iehčanasat. Fertet maid ovttasbargat fitnodaga eará bargiiguin ja gulahallat kundariiguin.