Giehtaduodji, design ja buvttaovddideapmi

Dán áigge stohpogálvoskoađasteaddji bargá dábálaččat erenoamáš diŋgojumiiguin, omd. ođasmahttá stiilastohpogálvvuid, buvttada ođđalágan stohpogálvošlájaid ja bidjá ođđa skoađđasiid ođđa, industriijabuvttaduvvon stohpogálvvuide, ja bargu gáibida fágabargis nana hápmeáiccu. Váldobargosuorggit leat

• ođđasitdeavdit ja ođđa deavdaga bidjat buotlágan stohpogálvvuide
• vadjat ja goarrut guottáid ja bođu skoađđasiid
• rávvet ja bagadit giehtaduodjestohpogálvvuid ja antihkka stohpogálvvuid ođasmahttima oktavuođas
• rávvet tekstiillaid/náhki válljema oktavuođas kvaliteahta ja geavahansuorggi vuođul
• árvvoštallat bargguid ja addit haddefálaldagaid
• hábmet ollislaš bargosárgosiid ja bargat dakkáriid vuođul

Dus galgá leat nana hápme- ja ivdneáicu. Galggat dasa lassin leat gieđalaš, geavatlaš ja dárkil.