Oahpposadjefálaldahkii vástideapmi

• Don oaččut dieđu ohppuiváldima birra SMS:in (muhtin fylkkain e-poasttain).  
• Logge neahttasadjái vigo.no MinID vehkiin, doppe oainnát guđe fálaldagaid leat ožžon.
• Vástit válddátgo saji ja/dahje vuordinlistosaji. 

Vástidanvuogit

Leat golbma vuogi vástidit. Sáhtát miehtat dahje hilgut fálaldaga dan láhkai ahte russestat rievttes ruvttui. Muitte ahte ortnet, maid leat čállán ohcanskovvái, čatná du miehtá áiggi.

1. Oahpposadjefálaldat vuosttaš sávaldaga mielde
   
   • Dat lea áidna fálaldat maid oaččut. It oaččo fálaldaga vuolit sávaldagaide.
     
   • Jos hilggut fálaldaga, váldojuvvot eret ohppuiváldinvuogádagas.
2. Oahpposadjefálaldat vuolit sávaldaga mielde ja vuordinlistofálaldat bajit sávaldagaid mielde
   
   • Sáhtát váldit vuostá fálaldaga, maid leat ožžon, ja seammás leat bajit sávaldagaid vuordinlisttus - mii mearkkaša ahte mieđát sihke fálaldahkii ja vuordinlistui. Dan don berret dahkat!
     
   • Jos leat miehtan vuordinlistosadjái, ja oaččut ođđa oahpposadjefálaldaga maid ledjet vuoruhan badjelii, de dus ii leat šat dat oahpposadji, masa mihtet ovdal.
     
   • Jos hilggut dutnje fállojuvvon oahpposaji, de leat massán saji. Vaikko válddát vuostá vuordinlistosaji, maid leat vuoruhan badjelii, de ii leat sihkkar ahte dutnje fállet saji maŋit sisaváldimis. Soaittát danin báhcit oalát skuvlasaji haga.
   • Fuomáš, ahte it sáhte leat vuordinlisttus vuolit sávaldahkii, go masa leat beassan.
     
   • Muhtin fylkkain sáhtát leat vuordinlisttus dušše moatti bajimuš sávaldahkasat, muhtin fylkkain fas galggat leat vuordinlisttus buot bajit sávaldagaid hárrái.
     
3. Vuordinlistosaji fálaldat
   
   • Jos mieđat fálaldahkii, bázát ain vuordinlistui.
     
   • Jos biehttalat, de don váldot eret ohppuiváldinvuogádagas.
     

Ovddalgihtii vástideapmi

Jos leat mátkkiin dahje it sáhte áigemeari siste vástidit fálaldahkii, maid leat vuostáiváldán, de sáhtát ovddalgihtii registreret vástádusa iežat ohcamuššii neahttasajis vigo.no. Dan sáhtát dahkat njukčamánu 2. beaivvi rájes gitta suoidnemánu 1. beaivái eanaš fylkkain.