Vákšu (fágareive)

Váldobargosuorggit leat

• eastadeaddji diehtojuohkinbálvalusa álbmoga ja kundariid hárrái
• plánet ja ollašuhttit sihkkarvuođadoaimmaid kundariid luhtte
• eastadeaddji suodjalan- ja sihkkarastinbargu ja vuosttamužžan doaibman vuordemeahttun dáhpáhusaid oktavuođas
• vuovdinbargu ja bálvaleapmi
• stivret automáhtalaš dieđihan- ja gozihanrusttegiid
• ruossalasvuođaid gieđahallan

Vákšu galgá sáhttit dahkat álgagiid, leat hutkái barggustis, bargat plánaid mielde ja iehčanasat ja nagodit árvvoštallat diliid. Galggat leat čeahppi doaibmat earáiguin, čoavdit ruossalasvuođaid, čájehit miehtemielalašvuođa, lojaliteahta, ovddasvástádusa ja gutnejahttima. Čálalaš ja njálmmálaš ovdanbuktin, ekonomiijaáddejupmi ja buorit etihkalaš guottut leat mávssolaččat.