Mánáid- ja nuoraidbargi (fágareive)

Mánáid- ja nuoraidbargi heiveha ja vállje ulbmillaš pedagogalaš vugiid go son bargá 0-18-jahkásaš mánáiguin ja nuoraiguin. Váldobarggut leat

• plánet, jođihit, ollašuhttit ja árvvoštallat mánáid ja nuoraid pedagogalaš doaimmaid
• láhčit dilálašvuođaid duhkoraddamii ja fysihkalaš doaimmaide ovttaskas olbmo doaibmadási ja eallindili vuođul
• geavahit hábmema, lávluma, duhkoraddama, musihka, girjjálašvuođa ja dráma dábálaš barggu oassin
• gulahallat olbmuiguin, geain lea iešguđetlágan kultuvraduogáš, eallinoaidnu ja sosiála stáhtus
• ovttasbargat mánáiguin ja nuoraiguin, fuolaheddjiiguin, bargoskihpáriiguin ja eará ovttasbargoguimmiiguin

Lea mávssolaš máhttit heivehit teoriijamáhtu geavadii. Fertet leat čeahppi oažžut oktavuođa olbmuiguin, fertet leat gearggus ovttasbargui, dus ferte leat ovttasdoaibmangealbu, dárkunnávccat ja fertet dovdat ovddasvástádusa.

Fágabargu eaktuda bolesa duođaštusa, mii čájeha ahte it leat áššáiduhtton, áššáskuhtton itge dubmejuvvon mánáid illásteamis.