Ambulánsabargi (fágareive)

Ambulánsabálvalus lea spesialistadearvvašvuođabálvalusa guhkiduvvon giehta ja vástida akuhttadálkkodeamis buohcceviesuid olggobealde. Váldobarggut leat

• vuolgit divššohasaid lusa ja sáhtostit divššohasaid buotlágan dálkin ja siivun
• iskat, dárkut ja identifiseret divššohasaid vitála orgánaid váilevaš doaibmama čielggatkeahtes diliin
• divššohasaid gaskasaš vuoruheapmi akuhtta diliin, go eambosat leat vahágahtton
• johttáhit akuhtta dálkkodeami, divššu ja fuolaheami
• raporteret ja dokumenteret divššohasdieđuid
• dárkkistit ja máŧasatnit heahteveahkkefievrruid ja dálkkodanrusttegiid

Ambulánsabargi ferte máhttit plánet, ollašuhttit, árvvoštallat ja oahppat iežas ja earáid barggus. Fága gáibida nana fágamáhtu, láddama ja iehčanasvuođa. Fágalaš ovdáneapmi eaktuda attáldaga fágaidgaskasaš bargui ja vásáhusaid lonuhallamii. Ámmát eaktuda buori psykihkalaš ja fysihkalaš dearvvašvuođa, ja attáldaga čájehit mielolmmošlašvuođa ja empatiija. 

Ambulánsabargifidnonamahusa geavaheapmi eaktuda Dearvvašvuođadirektoráhta autorisašuvnna.

Gáibiduvvo sierra heahteveahkkefievrruid gealboduođaštus (B-luohká vuodjinlohpi). Gáibiduvvo maid nana dearvvašvuohta ja buorre meannudus (vandel).