Čoarve-, dákte- ja metálladuojár (fágareive)

Čoarve-, dákte- ja metálladuojár bargá unna duodjefitnodagas dahje bargobájis, mii sáhttá leat silbaduodjebádji, dáiddaduodjefitnodat dahje atnuduodjefitnodat. 

Čoarve-, dákte- ja metálladuojár buvttada, divvu ja maŧásatná árbevirolaš ja ođđa buktagiid, mat leat ráhkaduvvon čoarvvis, dávttis ja metállas, ovdamearkka dihte niibbiid, čoarvedohpaid, jiehkuid ja faskkoniid, njuikumiid, giebaid, gákterohkiid, násteboahkániid ja čiŋaid. Čoarve-, dákte- ja metálladuojár ovddida maid ođđa buktagiid álgoálbmotperspektiivvain.

Váldobarggut leat:

• buvttadit duodjebuktagiid čoarvvis, dávttis ja metállas, maiddái ovttastahttit daid nuppi nuppiin ja maiddái náhkiin, láirráin, muorain, geđggiin ja eará ávdnasiiguin
• meannudit, ovttastahttit ja geavahit ávdnasiid sámi kulturvieruid mielde ja ođđa buvttadanvugiiguin
• ovddidit duodjegálggaid ja oahppat ávdnasiid birra
• háhkat, vurket, sirret ja juohkit čoarvvi ja dávtti
• hábmet, hervet ja geallut čoarvvi ja dávtti
• metállaid ja metállaseaguhusaid meannudeapmi ja bajildusa geallan
• fuolaheapmi ja divvun
• ovttageardánis giehtareaidduid ráhkadeapmi ja máŧasatnu
• sárggastus- ja detáljasárgun
• hámiid, ávdnasiid ja hearvvaid válljen ja vuođušteapmi
• ekonomiija ja fitnodaga ovddideapmi
• rehkenastit goluid, hattiid ja gánnehahttima
• márkanfievrrideapmi, vuovdin ja kunddarmeannudeapmi

Berret leat gieđalaš ja dus berre leat buorre hápmeáicu.