Modista (sváinnasreive)

Modista ráhkada iežas modeallaid, dahje modeallaid kundariid ja barggaheddjiid evttohusaid vuođul. Váldobargosuorggit leat

• rávvet kundariid ja barggaheddjiid goarrumis ja iešguđetlágan ávdnasiid hárrái, nugo duhposa, suoidnebohcciid, dorkasiid, gákkiskvaliteahtaid, skoađđasiid jna. hárrái
• deaddit, vanahit, draperet, modelleret ja hábmet heivvolaš ávdnasiid lieggablohkain, muorrablohkain ja friddja gieđain lieggasa ja láktasa vehkiin
• hukset bargofoarpmaid spatteriijas, vires ja eará ávdnasiin ja ollašuhttit gahpiriid buotlágan hervema
• plánet ja ollašuhttit beaktilis ja gánnehahtti buvttadeami
• máŧasatnit mašiinnaid, reaidduid ja rusttegiid
• ráhkadit minstariid

Fertet leat hutkái ja dus galgá leat ivdne- ja hápmeáicu. Fertet leat čeahppi gieđaiguin ja liikot ráhkadit, hábmet ja modelleret.