Geaidnodoaibma- ja geaidnobajásdoallobargi (fágareive)

Geaidnodoaibma- ja geaidnobajásdoallobargi bargá almmolaš ja priváhta geainnuiguin ja daid bajásdoaluin. Don barggat:

• geaidnobajildusaiguin, ruoná areálaiguin, geaidnoguoraiguin, geaidnobohcciiguin mat mannet geainnu vuolde, gáivvuiguin, ja daid máŧasatnimiin  
• luoddaáiddiid bidjamiin ja máŧasatnimiin
• geainnuid merkemiin
• tevnnegiiguin ja areálarehkenastimiin 
• digitála mihtidanreaidduiguin

Geaidnodoaibma- ja geaidnobajásdoallobargin don barggat sihke iešheanalaš bargguid ja ovttas earáiguin. Dat gáibida nana fágamáhtu ja gálggaid. Lea mávssolaš ahte dus leat positiiva guottut luonddu ja birrasa ektui ja sihkarvuođa ja gáhttenbarggu ektui. Don berret leat gieđalaš.