Ráhkadusbohccebiddji (fágareive)

Ráhkadusbohccebiddji bargá eananbargguiguin, ja bidjá čáhce- ja duolvačáhcebohcciid eatnamii. Du bargui gullá:

• fuolahit ja divodit bohcciid ja bohcceosiid
• eananbarggut ja barggut čáhce- ja duolvačáhcebohcciiguin earret eará geaidnoravddain ja gáivvuin
• almmolaš ja priváhta čáhce- ja duolvačáhcerusttegiid bajásdoallu
• máhttu dálkkádat- ja birashástalusain, ja dan vuođul buoremus lági mielde sihkkarastit ja doallat doaimmas čáhce- ja duolvačáhcevuogádaga
• fuolahit ahte mašiinnat, reaiddut ja biergasat doibmet 
  

Barggut dahkkojit dávjá váttis eanadagas, ja danin lea mávssolaš dovdat iežas ovddasvástádusa, leat dárkil ja ahte dus leat positiiva guottut luonddu ja birrasa ektui.