Teknologiija- ja industriijafága

Girdimohtormekanihkar bargá girdiid mohtoriiguin, mendemohtoriiguin dahje gássaturbiinnaiguin. Girdimohtormekanihkar bargá hui divrras osiiguin.Váldobarggut leat

• plánet ja bearráigeahččat, ohcat boasttuvuođaid, bajásfuolahusa dahkat, muddet, gálgat, bidjat, ohcat luoddanemiid, divodit, lohkkadit, sihkkarastit, modifiseret, iskat doaibmama, báhkket, iskat, konserveret ja reaidduid dárkkistit
• konserveret ja gárvet mohtoriid seailluheapmái ja fievrrideapmái
• bidjat ja gálgat mohtoriid geahččalanvuodjinráhkadusain dahje girdiin
• gieđahallat osiid
• iežas ja earáid barggu árvvoštallan ja dokumenteren, ja boasttuvuođaid ja spiehkkasemiid raporteren ja čuovvuleapmi
• ovttasbargu, bagadeapmi ja oahpaheapmi

Girdimohtormekanihkarin fertet nagodit árvvoštallat iežat ja earáid barggu kritihkalaččat. Fertet maid nagodit bargat dárkilit ja plánaid mielde.

Norgga girdišiljuid sihkkarvuođaávadagain bargan eaktuda viiddiduvvon meannudusduođaštusa (vuđolaš bolesduođaštusa).