Teknologiija- ja industriijafága

Galbma- ja lieggapumpabiddji barggut leat bidjat, johttáhit ja muddet, dárkkistit ja máŧasatnit čoaskudan-, galmmihan- ja lieggapumparáhkadusaid ja daidda gullevaš bohcciid, elektrihkalaš ja automatiserejuvvon stivrenvuogádagaid. Bargu dahkkojuvvo earret eará dáid surggiin:

• biebmoávnnasindustriija - borramušgálvobuvttadeami čoaskudeapmi ja galmmiheapmi, seailluheapmi ja rádjan
• gávppálaš čoaska- ja galbmadiskkat ja gávppiid ja gávpeguovddážiid áibmorusttegat
• maritiibma čoaskudan- ja galmmihanrusttegat, maiddái cruise-fatnasiid áibmorusttegat
• ásahusdearvvašvuođabálvalusa, hoteallaealáhusa ja catering-suorggi čoaskudan- ja galmmihanlanjat
• johtti čoaskudanráhkadusat (biillain, togain, fatnasiin ja girdiin)
• stuorra dáhtaguovddážiid čoaskudanrusttegat

Fertet nagodit bargat plánaid mielde ja ovttasbarggus earáiguin. Berret leat dárkil, gieđalaš ja beroštit teknologiijas.