Fárren

Jos boađát njuolga vuođđoskuvllas dahje don leat joatkkaoahpahusas, de leat du persovdnadieđut jo registrerejuvvon ohppuiváldinvuogádahkii. Jos leat fárren fylkka siskkobealde dan maŋŋá go ohppuiváldinkantuvra lea viežžan du čujuhusa vuogádagas, de galggat almmuhit dan birra ohppuiváldinkantuvrii.

Jos áiggut fárret nuppi fylkii boahtte skuvlajahkái, de galggat váldit oktavuođa sihke ruovttufylkka ohppuiváldinkantuvrrain ja dan fylkka ohppuiváldinkantuvrrain, gosa áiggut fárret, vai beasat gullat makkár njuolggadusat ja áigemearit doppe gustojit ja makkár dokumentašuvdna gáibiduvvo.

Jos dus lea vuoigatvuohta joatkkaoahpahussii ja don fárret ovttas váhnemiiddátguin, de dus lea vuoigatvuohta joatkkaoahpahussii dan fylkkas, gosa fárret. Fárrema galgá duođaštit jogo ássanduođaštusain, ásodaga oastin-/láigohansoahpamušain dahje bargoaddi duođaštusain. Jos áiggut fárret fuolaheaddji lusa, gii orru nuppi fylkkas, de gáibida dan fylkka ohppuiváldinkantuvra duođaštusa dan fuolaheaddjis, gean lusa fárret. Máŋgii gáibiduvvo maiddái duođaštus das ahte fuolaheaddji, gean luhtte don fárret, diehtá du fárrema birra.