Elektro ja dihtorteknologiija

Fágalaboránta sáhttá bargat dutkamiin, buvttademiin, diagnostihkain, riektemedisiinnain, borramušsihkarvuođain, dearvvašvuođain ja birrasiin. Fágalaboránttas lea máhttu iskosiid váldima birra, ádde buvttadanproseassa ja sus lea kemiija ja laboratoriijateknihka gelbbolašvuohta.

Váldobargosuorggit leat

• geavahit ja máŧasatnit instrumeanttaid ja reaidduid
• plánet ja váldit iskosiid
• gárvet iskosiid analysaid várás ja čađahit analysaid
• dulkot ja verifiseret analysabohtosiid
• sihkkarastit, ahte analysaid, reaidduid ja iskkusbohtosiid iešguđet oasit leat oainnusindahkkojuvvon (sporbarhet)
• bargat barggu dearvvašvuođa-, biras- ja sihkarvuođa ja kvaliteahtasihkkarastima gustovaš njuolggadusaid mielde
• beavttálmahttit ja buoridit bargovugiid, dagaldumiid ja prosedyraid

Fágalaboránta galgá sáhttit bargat plánaid mielde ja iehčanasat. Galggat maid leat dárkil ja gierdavaš ja galggat sáhttit ovttasbargat eará fágabargiiguin ja laboratoriija bohtosiid geavaheddjiiguin.