Teknologiija- ja industriijafága

Bargguid váldun lea deaddit duolba, moakkas dahje eahpedássidis vuđot materiálaid nugo báhpárii, garrabáhpárii, plastihkkii, geađgeávdnasiidda, glássii, metállii ja tekstiillaide. Serigráfa bargui gullá earret eará:

• árvvoštallat vuostáiváldojuvvon originálamateriála
• ráhkkanit buvttadeapmái ávdnasiid, deattaivnniid, vugiid, prosedyraid, mašiinnaid, rusttegiid ja reaidduid válljemiin
• gárvet ja bidjat deattafoarpmaid sierralágan buvttadanneavvuide, muddet ja stivret buvttadanneavvuid ja stivret ja gozihit buvttadanproseassa
• máŧasatnit ja álkit divodit mašiinnaid ja rusttegiid

Berret leat gieđalaš, dárkil ja hutkái, ja dus berre leat estehtalaš áicu.