Luonddudoallu

Ráhkadusgilvvagárdebargin don hukset olgolanjaid. Dábálaš bargui gullá ásahit, ráhkadit ja máŧasatnit sierralágan ráhkadusaid. Ráhkadusgilvvagárdebargi heiveha areálaid buot geavaheaddjijoavkkuid duhkoraddamii, valáštallamii ja asttuáigái. Fágabargi galgá sáhttit jođihit ja ollašuhttit ráhkadusdoaimma geavatlaš oasi. Váldobarggut leat ee. 

• doallat ruonasráhkadusaid ortnegis buot jagiáiggiin
• hábmet eatnama olgoráhkadusain
• válljet golahandulbosiid, omd. asfáltta, betoŋgga ja čievrašiljuid
• máŧas atnit buotlágan šattolašvuođa elemeanttaid sierra geavahanguovlluin
• máŧas atnit buotlágan olgoráhkadusaid, omd. duhkoraddanapparáhtaid, beaŋkkaid, bácciid ja áiddiid
• heivehit luonddu, kultuvrra ja olgonastinguovlluid aktiivvalaš geavaheapmái ja gáhttet daid

Dán ámmáhis lea mávssolaš ahte leat gearggus ovttasbargui ja ahte leat dárkil. Dus berre leat estehtalaš áicu, berret leat gieđalaš ja liikot bargat olgun.