Dearvvašvuođa- ja bajásšaddanfága

Ortopediijateknihkar ráhkada, máŧasatná ja divvu ortopedalaš veahkkeneavvuid. Váldobargosuorggit leat

• dulkot dan veahkkeneavvu bargosárgosiid mii galgá ráhkaduvvot
• plánet ja bargat bargoinstruvssaid ja gustovaš manuálaid mielde
• gieđahallat ávdnasiid, reaidduid ja mašiinnaid
• gulahallat divššohasaiguin ja eará ámmátjoavkkuiguin ja dan láhkai oažžut oppalaččat áddejumi veahkkeneavvus mii galgá ráhkaduvvot
• árvvoštallat iežas barggu dási, raporteret spiehkkasemiid

Galggat sáhttit bargat sihke iehčanasat ja ovttasbarggus earáiguin ja dus galgá leat nana fágamáhttu, earret eará anatomiijas, buohcuvuođaoahpas ja ávnnasoahpas. Galggat nagodit čájehit miehtemielalašvuođa go deaivvadat divššohasain, galggat leat gieđalaš ja dus galgá leat hápmeáicu. Lea maid mávssolaš ahte nagodat guldalit divššohasa ja dan láhkai fáhtet leatgo sus erenoamáš dárbbut.