Giehtaduodji, design ja buvttaovddideapmi

Čuoldin- ja giehtagođđinduojár bargá unna duodjefitnodagain ja -bájiin, main barget ovdamearkka dihte dáiddadujiin, dipmadujiin, atnudáidagiin, designain dahje tekstiillain. Tekstiilaindustriija sáhttá maid leat ovttasbargin dahje bargosadjin. 

Čuoldin- ja giehtagođđinduojár buvttada ja divvu árbevirolaš ja ođđa biktasiid, liinniid, boahkániid, čuldojuvvon, lohttojuvvon, šnjirrehuvvon ja ruvdejuvvon báttiid, ránuid ja eará atnu- ja čikŋabiergasiid. Ullu lea dáid buktagiid váldoávnnas. Čuoldin- ja giehtagođđinduojár ovddida maid ođđa buktagiid, designa ja ođđa stiillaid álgoálbmotperspektiivvas.

Váldobarggut leat

• geavahit árbevirolaš gođđin- ja čuoldinminstariid ja –teknihkaid, sihke gieđain ja gođđinstuoluiguin gođedettiin
• bárgidit, lohtat, šnjirrehit ja ruvdet báttiid
  
• botnit
• gođđit árbevirolaš duodjebuktagiid
  
• sárgut minstariid, hábmet ja heivehit sierralágan teknihkaid
• bargat trenddaiguin ja ođđa duodjerávnnjiiguin
• buvttaovdánahttin árbevieruid ja iešvuođalági vuođul, designa ja estetihka vuođul
• ekonomiija ja fitnodaga ovddideapmi
• goluid, hattiid ja gánnehahttima rehkenastin
• márkanfievrrideapmi, vuovdin ja kunddarmeannudeapmi
  

Berret leat gieđalaš ja dus berre leat buorre ivdne- ja hápmeáicu.