Giehtaduodji, design ja buvttaovddideapmi

Váldobargosuorggit leat

• foarpma ráhkadit, modelleret, prepareret, konserveret ja monteret lottiid ja elliid
• prepareret ja konserveret ávdnasiid biologalaš geavahussii oahpponeavvun, dieđalaš geavahussan bivdotrofean ja čikŋan
• sihkkarastit áidnalunddot ja buhtatmeahttun biologalaš materiála
• geavahit sierralágan čájáhusteknihkaid
• geavahit sierralágan plastihkkaávdnasiid ja leikenteknihkaid

Taksidermista galgá leat čeahppi dárkut ja oaidnit detáljjaid, sus galgá leat nana hápmeáicu, estehtalaš áicu, modelleren- ja málenattáldat ja son galgá leat hutkái. Lea mávssolaš leat gierdavaš ja dárkil.

Luondduhálddašandirektoráhtta juolluda almmolaš autorisašuvnna ámmáha doaimmaheapmái.