Teknologi- og industrifag

Ein flymotormekanikar utfører arbeidsoppgåver på flymotorar, stempelmotorar eller gassturbinar. Flymotormekanikaren arbeider med svært kostbare delar. Sentrale arbeidsområde er

• planlegging og utføring av inspeksjon, feilsøking, service, justering, demontering, montering, sprekkontroll, reparasjon, låsing, sikring, modifikasjon, funksjonstesting, pakking, kontroll, konservering og verktøykontroll
• konservering og klargjering av motorar for lagring og transport
• montering og nedmontering av motorar i prøvekøyringsanlegg og i eller på fly
• behandling av delar
• vurdering og dokumentasjon av eige og andre sitt arbeid og rapportering og oppfølging av feil og avvik
• samarbeid, rettleiing og læring

Som flymotormekanikar må du ha evne til å vurdere eige og andre sitt arbeid kritisk. Du må kunne arbeide nøyaktig og planmessig.

For å arbeide innanfor sikringssonene på norske flyplassar blir det stilt krav om utvida vandelsattest (uttømmande politiattest).