Handverk, design og produktutvikling

Gjørtlaren arbeider med å forme messing og bronse ved støyping i sand eller faste former. Gjørtlaren lagar møbel- og bygningsdetaljar som beslag, skilt og handtak, men òg lysestakar, lysekroner og mindre kunstgjenstandar, som regel i små kvanta (opp til 50 eksemplar). Av og til blir det brukt andre metall òg, som kopar, nysølv, aluminium og jern. Sentrale arbeidsområde er

• teikning og konstruksjon av støypemodellar og kjernekassar
• blanding av sand, arbeid med sandformer, innløp og nedløp
• val av metallegering, metallsmelting og støyping
• bearbeiding av mekanisk støypte gjenstandar ved filing og dreiing
• overflatebehandling ved sliping, polering og lakkering
• reparasjonar, restaurering og vedlikehald av gjenstandar i messing og bronse

Du må vere nøyaktig, kreativ og ha godt handlag og god formsans.