Helse- og oppvekstfag

Tannhelsesekretæren er bindeleddet mellom pasientane og tannhelsetenesta. Sentrale arbeidsområde er

• førebyggjande tannhelsearbeid
• å assistere i alle behandlingssituasjonar
• kontorrutinar, medrekna aktivitetsplanlegging, rekneskap, rapportering, innkalling og journalføring
• reingjering, sterilisering og vedlikehald av instrument og utstyr
• utføring av røntgenopptak og enklare laboratoriearbeid
• handtering av dentalmateriale og dei vanlegaste lækjemidla som blir brukte

Det krevst evne til teamarbeid og sjølvstendig arbeid, og du må kunne arbeide nøyaktig, planmessig og effektivt. Du må ha kommunikasjonsevne og evne til å yte god service til pasientane. Tannhelsesekretæren må følgje med i den raske utviklinga av odontologiske materiale og behandlingsmetodar og kunne meistre utfordringane som er knytte til eit fleirkulturelt samfunn.

For å kunne bruke yrkestittelen tannhelsesekretær krevst det autorisasjon frå Helsedirektoratet.