Handverk, design og produktutvikling

Ein skinn- og pelsduojár arbeider i mindre handverksbedrifter og verkstader. Det kan vere kunsthandverks-, husflids-, brukskunst-, design- eller tekstilbedrifter.

Ein skinn- og pelsduojár produserer, reparerer og vedlikeheld tradisjonelle og nye klede, vesker og anna utstyr laga av pels og skinn. Skinn- og pelsduojáren utviklar også nye produkt og design tilpassa internasjonalt miljø.

Sentrale arbeidsoppgåver er

• bearbeiding og bruk av skinn, hud og pels frå ulike pattedyr, fiskeskinn og fugleskinn, avhåra skinn og lêr
• bruk av samiske kulturtradisjonar og nye produksjonsmetodar
• bruk av vegetabilske tilverkings- og garveprosessar
• bruk av kjemikalium i tilverkings- og garveprosessar
• bevaring og vidareutvikling av tradisjonelle metodar
• produksjon og produktutvikling etter samiske kulturtradisjonar
• kvalitetsvurdering av råvarer og foredla materiale til ulike formål
• bruk av manuelle og maskinelle produksjonsprosessar
• bruk av ulike saumteknikkar
• montering av skinn og pels til produkt som blir sette saman av ulike materiale
• økonomi og forretningsutvikling
• utrekning av kostnader, pris og lønnsemd
• marknadsføring, sal og kundebehandling

Du bør ha godt handlag og god farge- og formsans.