15 utdanningsprogram gjev deg mange moglegheiter

5 studieførebuande utdanningsprogram

Studieførebuande opplæring er for deg som vil ta høgare utdanning, slik at du til dømes kan bli lærar, sjukepleiar eller advokat.

• Det er 5 studieførebuande utdanningsprogram å velje mellom.
• Dei fleste faga i studieførebuande opplæring er typiske «lesefag» som norsk, matematikk, samfunnsfag, historie, naturfag og framandspråk.
• I tillegg har du fag frå utdanningsprogrammet ditt, til dømes musikk, toppidrett, design og arkitektur eller fysikk.
• Når du har fullført og greidd tre år i skole, får du studiekompetanse.
• Du må ha studiekompetanse for å søkje høgare utdanning ved høgskole og universitet.

Les om utdanningsprogramma du kan velje mellom:

• Idrettsfag
• Kunst, design og arkitektur
• Medium og kommunikasjon
• Musikk, dans og drama
• Studiespesialisering

10 yrkesfaglege utdanningsprogram

Yrkesfagleg opplæring er for deg som ønskjer eit praktisk yrke, til dømes elektrikar, kokk eller frisør.

• Det er 10 yrkesfaglege utdanningsprogram å velje mellom.
  
• I dei fleste yrkesfaga blir opplæringa gjeven som to år i skole og to år i bedrift.
  
• Opplæring i bedrift blir kalla læretid. I læretida er det mogleg å få løn.
• Når du har fullført og greidd ei yrkesfagleg utdanning, får du yrkeskompetanse.
• Med yrkeskompetanse kan du velje å søkje jobb eller ta vidare utdanning ved ein fagskole.
• Du har også rett til å ta påbygging til generell studiekompetanse (sjå nedanfor).

Les om utdanningsprogramma du kan velje mellom:

• Bygg- og anleggsteknikk
• Elektro og datateknologi
• Frisør, blomar, interiør og eksponeringsdesign
• Handverk, design og produktutvikling
• Helse- og oppvekstfag
• Informasjonsteknologi og medieproduksjon
• Naturbruk (med mulighet for studieforberedende Vg3)
• Restaurant- og matfag
• Sal, service og reiseliv
• Teknologi- og industrifag

Påbygging til generell studiekompetanse

Ønskjer du studiekompetanse etter at du har fullført og greidd yrkesopplæringa?

• Du har rett til å få eit ekstra opplæringsår, slik at du kan få studiekompetanse.
• Du kan søkje om påbygging til generell studiekompetanse etter 2 år i eit yrkesfagleg utdanningsprogram eller etter at du har oppnådd yrkeskompetanse.
• Påbygging til generell studiekompetanse er ei krevjande og teoretisk opplæring som skjer i skole.
• Du oppnår studiekompetanse etter at du har fullført og greidd opplæringa, og du har dermed høve til å søkje høgare utdanning ved høgskole eller universitet.

Grunnkompetanse

• Grunnkompetanse er eit alternativ for deg som av ulike grunnar har problem med å gjennomføre full opplæring.
• Du får eit kompetansebevis som dokumenterer at du har fullført delar av opplæringa.
• Du har høve til å endre målet ditt og gjennomføre heile opplæringa, slik at du kan oppnå full yrkeskompetanse eller studiekompetanse.