Restaurant- og matfag

Sentrale arbeidsområde er

• matlaging og anretning i samsvar med ønska og behova til gjestene og brukarane: mat til kvardags og fest og mat til spesielle behov
• bruk av ulike råvarer og tillagingsmetodar
• utvikling av nye produkt, rettar og reseptar
• komponering av menyar, prisberekningar
• tillaging av bakar- og konditorvarer til måltida og dessertane
• val av drikkevarer til dei ulike matrettane

Ein kokk skal kunne lage mat til alle typar menneske og høve og må kunne arbeide planmessig, sjølvstendig og i team. Du må vere glad i å lage mat, ha estetisk sans, vere kreativ og nøyaktig, ha god personleg hygiene og økonomisk sans. Du bør like å skape trivsel og velvære, ha gode kommunikasjonsevner og vere serviceorientert. Ein kokk arbeider ofte på skift.