Bygg- og anleggsteknikk

Som anleggsgartnar byggjer du uterom. Uterom kan vere alt frå torg, parkar, skolegardar og leikeplassar til små og store grøntanlegg for privatkundar eller rundt offentlege bygningar. Dagleg arbeid omfattar utvikling, etablering og vedlikehald av fleire typar anlegg. 

Arbeidsoppgåvene handlar mellom anna om å

• utforme terreng i uteanlegg
• drifte grøntanlegg til alle årstider, til dømes klippe plen, stelle blomstrar og bed og skjere til busker og tre
• utføre natursteinsarbeid i brustein, skifer, granitt o.l. og halde dette ved like
• halde ved like alle typar installasjonar som er meinte for utebruk, til dømes leikeapparat, benker, skulpturar og gjerde
• leggje til rette for aktiv bruk og bevaring av natur, kultur og friluftsareal

I dette yrket er det viktig at du er samarbeidsvillig og nøyaktig. Du bør ha sans for estetikk, praktisk handlag og like å arbeide ute.