Elektro og datateknologi passar for deg som er interessert i straum, teknologi og korleis ting verkar. Du lærer å kopla og testa elektriske krinsar, bruka sensorar, programmera utstyr og få ulike system til å verka saman. Du får også prøva deg på nettverk, feilsøking, målingar og styring av til dømes lys, varme og motorar. I arbeidet lærer du å bruka verktøy og utstyr på ein sikker måte, dokumentera det du gjer og ta omsyn til energi, miljø og berekraft.