Helse- og oppvekstfag

Barne- og ungdomsarbeidaren planlegg og vel formålstenlege pedagogiske metodar i arbeid med barn og unge i alderen 0–18 år. Sentrale arbeidsområde er

• planlegging, leiing, gjennomføring og evaluering av pedagogiske aktivitetar for barn og unge
• tilrettelegging for leik og fysisk aktivitet med utgangspunkt i funksjonsnivået og livssituasjonen til den enkelte
• bruk av forming, song, leik, musikk, litteratur og drama i det daglege arbeidet
• kommunikasjon med menneske med ulik kulturell bakgrunn, ulikt livssyn og ulik sosial status
• samarbeid med barn og unge, føresette, kollegaer og andre samarbeidspartnarar
• grensesetjing, konfliktløysing og det å vere ein tydeleg vaksenmodell

Det er viktig å kunne setje teoretiske kunnskapar om til praksis. Du må vere flink til å komme i kontakt med menneske, vere ansvarsbevisst og ha samarbeidsvilje, samhandlingskompetanse og observasjonsevne.

Utøvinga av faget krev politiattest som viser at du ikkje er sikta, tiltalt eller dømt for overgrep mot barn.