Elektro og datateknologi

Heismontøren monterer, moderniserer, reparerer, testar og driv vedlikehald av heisanlegg. Sentrale arbeidsområde er

• planlegging av eigne arbeid, også med omsyn til helse, miljø og sikkerheit for fagarbeidaren sjølv og kollegaene
• montering av heisar i nye eller eksisterande bygg, alt frå mekaniske konstruksjonar, motorar og hydraulikk til elektrisk tilførsel og elektrotekniske styresystem
• montering og testing av sikkerheitskomponentar
• tilpassing og montering av nytt utstyr på eksisterande anlegg
• feilsøking og reparasjon
• førebyggjande vedlikehald

Du må vere nøyaktig, ha godt syn og tole ukomfortable arbeidsstillingar. Du må kunne arbeide sjølvstendig og systematisk med problemløysing ut frå produktinformasjon og eit omfattande nasjonalt og internasjonalt regelverk. Det er viktig at du trivst med kundebehandling, for det er ein del av det daglege arbeidet.