Elektro og datateknologi

Elektrikarutdanninga gir faglege og formelle kvalifikasjonar til å arbeide med elektriske lågspenningsanlegg, elektrisk utstyr og elektriske installasjonar som blir brukte til distribusjon og forbruk av elektrisk energi mellom anna på desse områda:

• bustader og andre bygningar
• stader med kommersiell verksemd, som kontor-, butikk-, handverks- og serviceverksemd
• offentleg verksemd
• industri, landbruk, skip
• olje- og gassinstallasjonar
• alarm- og sikkerheitsanlegg

Arbeidet er fysisk krevjande. Ein elektrikar må ha godt fargesyn for å kunne bruke relevante kodar og merkjesystem. Du bør ha teknisk innsikt og vere nøyaktig og ansvarsbevisst. Du må kunne samarbeide med arbeidskollegaer og oppdragsgivarar. Du må kunne arbeide i høgda. Spesielt ved mindre oppdrag har elektrikaren mykje direkte kundekontakt og må derfor vere flink til å kommunisere med forskjellige typar menneske.