Frisør, blomar, interiør og eksponeringsdesign

Eksponeringsdesignaren jobbar med visuell kommunikasjon og konseptutvikling. Som eksponeringsdesignar planlegg og gjennomfører du utstillingar på messer, museum eller i butikkar. 

Sentrale arbeidsområde er

• utarbeiding av konsept for ulike målgrupper
  
• definering av målgrupper og utvikling av idear
• arbeid med digitale skisser, presentasjonsteikningar og modellar
• design av logoar, plakatar, banner og profileringsmateriell til ulike kundar
• val av materiale, produkt og leverandørar og val av tekniske, estetiske og funksjonelle løysingar
• utforming av kreative opplevingsrom og profilering av bedrifter og organisasjoner på standar på messer

Du bør vere kreativ, ha estetisk sans og kunne arbeide strukturert og raskt, både sjølvstendig og saman med andre.