Handverk, design og produktutvikling

Glasblåsarfaget er delt inn i to hovudområde: glasforming (varm side) og vidareforedling (kald side).

På varm side arbeider glasblåsaren med

• oppblåsing av klokker til vinglas og tumblerglas til varmsprenging, kaldsprenging eller driving
• produksjon av kunstglas
• produksjonsprosessar som pressing, støyping og sentrifugering
• klargjering av omnar gjennom avfeiming og skrekling av glasmassen og klargjering av tilhøyrande utstyr som arbeidsstol, piper, skoper, former og strykepapp

På kald side arbeider glasblåsaren med

• kaldsprenging av glas til vidare bearbeiding
• teknikkar for skjersliping og plansliping, gravering, etsing og sandblåsing av glas
• teikning og måling av ulike motiv og ornament på frihand og med sjablon

Dette er eit praktisk yrke som krev at du er fingernæm, nøyaktig og har estetisk sans og gode samarbeidsevner.