Hestefaglært (fagbrev)

Ein hestefaglært kan arbeide med hestehald og bruk av hest både i næring, rekreasjon og avl.

Felles for alle områda er at fagarbeidaren mellom anna har desse oppgåvene:

• Dagleg stell av hestar, det vil seie tilsyn, fôring, reingjering og bandasjering
• Vurdering av fôrtypar, kvalitet og mengd for ulike hestar
• Tilsyn, vedlikehald og reingjering i stallar, ridehus og utandørsanlegg
• Flytting og transport av hestar, innlasting og uttak av hestehengarar og bilar
• Trening av hest i form av riding og/eller køyring
• Informasjon til kundar, hesteeigarar og andre brukargrupper

Du må vere fortruleg med dyr og praktisk av deg. Faget har dessutan fellestrekk med yrke som inneber døgnkontinuerleg ansvar og vaktordningar, og du må derfor kunne tole uhøveleg arbeidstid.