Gartnar (yrkeskompetanse)

Gartnarutdanninga leiar fram til eit praktisk yrke som m.a. kan innehalde følgjande oppgåver:

• Produksjon, sal og vedlikehald av plantevekstar utandørs og/eller i regulert klima
• Arbeidsleiing, produksjonsplanleggjing, kulturrekneskap, logistikk og marknadsføring
• Klimastyring, vatning, gjødsling og formeiring med ulike teknikkar, tilpassa ulike stadium i planteveksten og utviklinga
• Bruk og vedlikehald av rasjonelt teknisk utstyr tilpassa den enkelte produksjonen
• Kvalitetsvurdering, hausting, pakking og lagring av planteprodukt for sal
• Planleggjing, tilretteleggjing og gjennomføring av integrert plantevern

Det er ein fordel om du har interesse for utearbeid. Du bør vere oppteken av naturen, vere nøyaktig, praktisk og nevenyttig.